स कु यो प्रविधी बाट योग ध्यान गर्दा त्यसको सोझो असर मन मस्तिष्क मा पर्दछ । यसले जैविक शक्ती परिचालित गरी शरिरका विभिन्न कोशीका, तन्तु तथा ग्रन्थिहरुलाई समन्वायत्मक ढगले प्रभावित गर्दछ । परिणाम स्वरुप्, मन र बुद्धी शान्त, प्रखर तथा सकारात्मक भएर आउँछ । यस परिवर्तनको प्रत्यक्ष प्रभाव मानिसको चिन्तन शैली तथा व्यवहारमा देखिन आउँछ

स कु यो को प्रभाव ले मानिसका चाहनाहरु उसको आवश्क्ता तथा उ बस्ने वातावरण को अनुकुल हुन गई उसको जिवन सुखमय हुन पुग्छ । उसले आफ्ना चाहनाहरु लाई उचित र अनुचित को कसिमा राखेर मात्र कार्य गर्दछ । उसले उपयुक्त आहार विहार द्वारा आफ्नो शरिरलाई स्वस्थ राख्दछ र आफ्नो परिवार तथा आफ्नो समाज प्रतिको कर्तव्यलाई पूर्ण रुपले पालन गर्दछ । फलस्वरुप्, उसको जिवन सुखमय हुन्छ|

स कु यो को प्रभाव ले मानिस आफ्नो इच्छाको नैतिकिकरण गर्न सिक्दछ र आफ्नो क्रोध माथी नियन्त्रण गर्न सिक्दछ । यसको असर उसको दैनिकी मा प्रत्यक्षरुपले पर्दछ । उ सयमित भएर आउँछ र उसको सम्बन्ध परिवार तथा समाजमा सुमधुर हुन पुग्छ| 

स कु यो प्रविधी अति सरल छ । यसको अभ्यासको लागी कुनै प्रकार को कठिन तैयारी र जटिल प्रकृया भएर गुज्रनु पर्दैन । शान्त चित्तले सहज योग मुद्रामा बसेर अभ्यासकर्ताले आफ्नो कुन्डलिनी शक्तिलाई विभिन्न चक्रमा चलायमान गर्दै विश्व शक्तीसित आबद्ध भई परमानन्द प्राप्त गर्दछ । ध्यानको एक बैठकमा ३० कारीब मिनेटको समय लाग्दछ ।